آخرین مطالب
امکانات وب
ایندیده وارشال ساللاماقداماغیمین دادیدیر
شیرین شیرین قونشولوقلار روحومون هرزادیدیر
اوشاقلیغیم شال ساللاییب یومورتانی ییغاردی
سحر گئدیب چاققیشماغا اوتوزاردی اوتاردی
چارشنبه ده بایرام پایی مجمه مجمه گئدردی
اوشاقلیغیم پای شیرنی سین قاپ قاچماسی گودردی
پای یئرینه قاتما جوراب قویان باجی ساق اولسون
باجیسینا چادر آلان قارداش اوزو آق اولسون
های هویونان مکتب لرین دسته دسته اوشاقی
صلواتا گئدردیلر کیمین اولا اوشاقی
اوخوردولار آناسینا دئیین قویسون بشیگه
دئیین گئده آتاسینا سیز اوغلانین ایشیگه
آتاسیندان انعام آلیب قاییداردیق مکتبه
قربان اولوم اوشاقلارا مکتب ویرن ادبه
مدرسه یه صف دوزولوب یولوموزو گئدردیق
کوتوموزون بوینونابیرآق نایلون تئکردیق
نوشته شده توسط دکتر غ ح طریقی (شاعر) در ساعت 0:28 | لینک |
زمزمه های تنهایی دکتر طریقی...ما را در سایت زمزمه های تنهایی دکتر طریقی دنبال می کنید
برچسب : اوشاقلیغیم, نویسنده : fghtarighi1 بازدید : 248